哥哥生日快樂！✨❤️
哥哥一直都尋求突破同埋進步，由鴛鴦舞王到97年嘅高踭鞋，再到2000年嘅演唱會簡直係一件又一件嘅藝術品。
《熱情演唱會》當年造成極大迴響，好多人講左好多難聽嘅說話。但係哥哥喺演唱會嘅最後話比我地知：「我就是我。」
大家或者都知道小學三年級嘅我都係因為喺校巴睇左呢個演唱會而認識左哥哥。細個佢喺我腦海入面嘅印象一直都係「長頭髮嘅男人」，大個左我有幸知道原來呢個一直喺我腦海入面嘅人原來叫張國榮。🌹
去實踐「我就是我」係非常困難嘅事，需要時間同埋非常多嘅勇氣。希望大家遇到困難嘅時候都可以記住哥哥話比我地知嘅呢句說話，努力去成為一個更好嘅自己。🫂❤️
#張國榮